AKO NALANG ULIT
by Marie Faith Andrea Credo
Pwede bang ako nalang
Ako nalang ulit?
Oo kasalanan ko
Oo na, sobrang sakit
"Paalam" sabi ko
"Huwag" iyong tugon
Dinig ko pag-iyak mo
Mula sa telepono
Dumating mga araw
Akala ko okey na
Kinausap ko ang sarili
"Bakit parang sinayang kita?"
Babalik na dapat
Ibabalik ang nakaraan
Ngunit nakita ko
Kaya mo pala akong palitan
Pwede bang ako nalang
Ako nalang ulit?
Katawag mo sa telepono
Yung lagi mong kinukulit
Pwede bang ako nalang
Ako nalang ulit?
Yung sinasabihan mo ng "mahal kita"
At "lagi kang mag-iingat a?"
Pwede bang ako nalang
Ako nalang ulit?
Yung lagi mong hinahagkan
Halikan na walang katapusan
Pwede bang ako nalang
Ako nalang ulit?
Yung nagpapasaya sayo
Yung laging karamay mo
Pwede bang ako nalang
Ako nalang ulit?
Yung sinasabi mong magiging ina
Ng mga anak mong makukulit
Pwede bang ako nalang
Ako nalang ulit?
Pwede bang buhayin muli
Yung pagmamahal mo sakin
Ngunit huli na
Ang lahat nang to
Di na pwede 'yon
Alisin na ang ilusyon
Dahil may kayo na
At ako nalang
Ako nalang ulit
